सुलिचौर, रोल्पा
नेपाल सरकारका पूर्वमन्त्री एवम् संविधानसभा सदस्य अमरसिंह पुनमगरले सर्वोच्च अदालतबाट भएको प्रतिनिधि सभा पुनःस्थापनाले जनताको लामो संघर्षबाट प्राप्त लोकतन्त्र र जनताको जित भएको बताउनु भएको छ । योङ्ग व्बाइज एण्ड गर्ल्स युवा क्लब, सुलिचौर रोल्पाको प्रथम वार्षिकोत्सबको अवसरमा आयोजित विभिन्न खेलकुद प्रतियोगिताको पुरस्कार वितरण तथा समापन कार्यक्रमलाई प्रमुख अतिथिको आसनबाट सम्बोधन गर्नुहुदै पूर्वमन्त्री पुनले नेकपा अध्यक्ष एवम् प्रधानमन्त्री ओलीले दुई तिहाईको दम्भमा गरेको प्रतिनिधि सभा विघटन बदर भई लोकतन्त्रको जित र न्यायलयप्रती जनताको आसा जागेको बताउनु भएको हो । उहाँले कोहिनुर अनलाइनसंग भन्नुभयो :- सर्वोच्च अदालतको ऐतिहासिक फैसला स्वागतयोग्य छ । साथै देश राजनीतिक स्थिरता तर्फ लागेको छ यो निर्णयसँगै अदालतको विश्वास र गरीमा थप बढेको छ । नेपाली काङ्ग्रेस रोल्पाका सभापति समेत रहनु भएका पुनले पहिलेदेखि नै प्रतिनिधि सभा पुनःस्थापना नेपाली काङ्ग्रेसको नि:शर्त माग रहेको कुरा बताउनु भयो । उहाले भन्नुभयो ” सुरुदेखि नै मैले संसद विघटनलाई असंवैधानिक भनेको थिएँ तर अदालतको निर्णयलाइ आफुले स्वीकार गर्ने बताउदै आएको थिएँ आजको फैसलाले अदालतप्रति हाम्रो विश्वास गहिरो भएको छ । संविधान जोगिएको छ जनताको जित भएको छ।’