होलेरी,फागुन १२
सरकारले जेष्ठ नागरिकहरुलाई दिने वृद्ध भत्ता बुझ्न बैंकहरुमा आउने जेष्ठ नागरिकहरु घण्टौँ सम्म लाइनमा बस्नुपर्ने बाध्यता र पिडा खेप्नु परेको छ।रोल्पाको होलेरीमा रहेको कामना सेवा बिकास बैंकमा बुधबार १० बजे देखि नै जेष्ठ नागरिकहरु भत्ता बुझ्न कार्यालय अगाडि अप्ठेरो तरिकाले बाटोमै लाइनमा बसिरहेका छन्।यसले जेष्ठ नागरिकहरुलाई सारिरिक रुपमा पिडा महसुस हुने,खुट्टा गल्ने,असहज हुने लगाएतका समस्या भएको गुनासो गरेका छन्।चिसो याममा यसरी जेष्ठ नागरिकहरुलाई सेवासुबिधाका नाममा पिडा भइरहेको र यस बारे स्थानिय सरकारले सहजताका लागि आवश्यक ब्यबस्थापन गरेर संवेदन बन्नुपर्ने स्थानिय समाजसेवी देबेन्द्र बोहराले बताउँनुभयो।समस्या समाधानका लागि स्थानीय सरकारले पालो नआउँदासम्म बस्नका लागि सहज ब्यबस्थापन मिलाउँनु पर्ने हो कि बैंकहरुले त फरक-फरक बार बोलाएर भिडभाड कम गर्न सक्नु पर्ने हो।-उहाँले थप्नुभयो। जेष्ठ नागरिकहरु शारीरिक रुपले आफैमा अशक्त हुने भएकाले सुबिधाका नाममा पिडा दिईएको महसुस भएको गुनासो गरेका छन्।