जुनिस कुमार बिष्ट
पोबाङ, रोल्पा १९ जेठ
ग्रामीण बिकास तथा चेतना समाज ( रुदास) नेपालद्वारा सुनछहरी गाउँपालिकालाई कोरोना भाइरस रोकथामको लागि आधारभूत स्वास्थ्य सम्बन्धि सहयोग सामाग्रीहरु हस्तान्तरण गरेको छ।
सुनछहरी गाउँपालिकाको कार्यालयमा गाउँपालिका उपाध्यक्ष पबित्रा घर्ती र प्रमुख प्रशासकीय अधिकृत वीर बहादुर पुनलाई संस्थाका प्रतिनिधि एवं पालिका पोषण सहजकर्ता निराज पुनले सामाग्री हस्तान्तर गरेको बताए।
महिला स्वास्थ्य स्वयंसेवीकाहरुले घरभेट परामर्श गर्दा तथा स्वास्थ्य संस्थामा जादा प्रयोग गर्नको लागी मास्क प्रति ब्यक्ति ५० वटा र स्वास्थ्य संस्थाका कर्मचारीहरुलाइ प्रति ब्यक्ति ५० वटा नै पुग्ने गरि ५ हजार १ सय ५० वटा मास्क र एक सय मिलिको गाउँपालिका भरिका ५३ वटा महिला स्वयंसेवीकाहरुको लागि ५३ वटा सेनिटाजर र गाउँपालिका भरिका ६ वटा स्वास्थ्य संस्थाको लागि ५ सय मिलिको ६ वटा सेनिटाइजर हस्तान्तरण गरिएको सहजकर्ता पुनले बताए।
साथै गाउँपालिका स्वास्थ्य शाखाको लागि ४ सेट पिपिई पनि हस्तान्तरण गरिएको सहजकर्ता पुनले बताए।
