लगातारको बर्षाले अवरुद्ध मेलम्ची —हेलम्बु सडक सञ्चालनमा आएको छ ।
शुक्रबार रातिको बाढीले मेलम्ची —हेलम्बु सडकको सिमखेत, ग्याल्थुम, क्युल, सिमखेत लगायत क्षेत्रमा पहिरो तथा बाढी पस्दा यातायातका साधन तथा मानिस आवतजावतमा समस्या भएको थियो ।
हेलम्बुमा सबै ठाँउमा शनिबार बिहानै सडक मर्मत गरिएको गाँउपालिका अध्यक्ष निमा ग्याल्जेन शेर्पाले जानकारी दिनुभयो ।
मेलम्चीको सिमखेतमा बाढीले धैरेनै क्षति गरेपछि आज मध्यान्नबाट पानी केहि कम भएर गाडी वारपार भएको नगर प्रमुख आइतमान तामाङले जानकारी दिनुभयो ।
पुर्ण रुपमा सडक सञ्चालनमा ल्याउनका लागी काम भईरहेको उहाँले बताउनुभयो । बाढीले यस क्षेत्रमा दैनिकजसो सडक अवरुद्ध हुने गरेको छ ।
यता मेलम्ची —पाँचपोखरी सडक अवरुद्ध भएको छ । खाल्डेखोलामा सडक भासिँदा यातायात अवरुद्ध भएको छ । यसले पाँचपोखरी हिडेँका तिर्थयात्रीलाई समस्या भएको छ । पाँचपोखरीमा पनि सडक सञ्चालनका लागी काम भईरहेको गाँउपालीकाले जनाएको छ ।
