इन्द्रावती गाउँपालिका का अध्यक्ष झम्कनाथ नेपालले नवलपुर बजारमा नवनिर्मित भुकम्प स्मारक भृकुटी पार्कको उद्घाटन गर्नुभएकाे छ।
आज पार्कको उद्घाटन गर्दै गाउँपालिका अध्यक्ष नेपालले भृकुटी पार्कले नवलपुरको सौन्दर्य बढाएको बताउनुभयाे ।

नवलपुर गाउँपालिकाको राजधानी भएकोले यहाँका बासिन्दा र गाउँपालिकाले यस्ता इतिहासलाई संरक्षण गर्न सबै लागि पर्नुपर्ने उहांकाे भनाई थियाे ।

भुकम्प स्मारक भृकुटी पार्क बागमती प्रदेश को आर्थिक सहयोगमा निर्माण भएको हो।

इन्द्रावती गाउँपालिका वडा ४ नवलपुर मा अवस्थित नकर्मी टोलमा रहेको इतिहास बोकेको ढुङ्गा थियो त्यहा फलामको खानी पनि थियो त्यहा औजारहरु बनाउने गरिन्थ्यो उक्त ढुङ्गा लाई च्यासल ढुङ्गा पनि भनिने गरेकाे छ ।

प्राचिनकालमा फलामको उक्त ढुङ्गामा फलाममा औजारहरु बनाउने र त्यो औजारहरु तिब्बतमा पुग्ने गरेको इतिहासमा उल्लेख छ। इतिहास लाई स्थापित गर्न भुकम्प स्मारक पार्क निर्माण गरिएको इन्द्रावती गाउँपालिका वडा ४ का अध्यक्ष क्षेत्र बहादुर तामाङले बताउनुभयाे ।