आफुलाई झुक्याएर अनेरास्ववियुकाे अध्यक्ष बनाएकाे भन्दै नविन लम्सालले राजिनामा दिएका छन् । ईन्द्रावति ९ का उनलाई चण्डेश्वरी माविमा झुक्याएर अनेरास्ववियुकाे अध्यक्ष बनाएकाे भन्दै उनले विज्ञप्ति निकालेका छन्।

” इन्द्रावती गाउँपालिका वडा नं १० स्थित श्री चण्डेश्वरी माध्यमिक विद्यालयमा मिति २०८० भाद्र ४ गते नेकपा एमालेको भातृ संगठन अनेरास्ववियु नामक संगठनले आफ्नो संगठन निर्माण गर्ने क्रममा अनेरास्ववियु जिल्ला कमिटी सिन्धुपाल्चोक सह-संयोजक नवीन पाण्डे सहित जिल्ला कमिटी सचिवालय सदस्य सुशान्त नेपाल विद्यालयमा प्रवेश गरी सवै विद्यार्थीलाई पार्टीको भातृ संगठनको विषयहरु गुप्त राखी अन्य विषय खेलकुद, गाडीभाडा छुट, विद्यालयमा विद्यार्थीको हक अधिकार क्षेत्रमा छलफल गर्दै सबै उपस्थित ३१ जनाको माइनोटमा हस्ताक्षर गरी खेलकुद टिम निर्माण गरेको भन्दै पार्टीको भातृ संगठन निर्माण गरेको र पार्टीको झण्डा देखेपछी हामिले झण्डाको विषयमा कुरा राख्दा अहिले आवश्यक छैन आगामी दिनमा स्वम आफुलाई थाहा हुने बताउदै सवै जनालाई आवद्ध गराएको कुरा कार्यक्रम पश्चात सामाजिक संजालमा राखेपछी थाहा भएकोले उक्त कथित अध्यक्ष पदमा आजकै मितिदेखी म नविन लम्साल नरहेको व्यहोरा जानकारी गराउन चाहान्छु ।” विज्ञप्तिमा लेखिएकाे छ ।